4 C
Baku
22 Fevral 2024, 8:07
Baş xəbərDigər

Qazaxıstan və Özbəkistan respublikalarının nümayəndə heyətləri Heydər Əliyev adına Hərbi İnstitutu ziyarət ediblər

Ölkəmizdə səfərdə olan Qazaxıstan Respublikası Müdafiə Nazirliyinin Hərbi Təhsil və Elm Departamentinin və Özbəkistan Respublikası Müdafiə Nazirliyinin Hərbi Kadrların Hazırlanması İdarəsinin nümayəndə heyətləri Milli Müdafiə Universitetinin nəzdində fəaliyyət göstərən Heydər Əliyev adına Hərbi İnstitutda olublar.

Bugün.tv-nin Müdafiə Nazirliyindən aldığı məlumata görə, nümayəndə heyətlərinin rəhbərləri Heydər Əliyev adına Hərbi İnstitutun xatirə kitabına ürək sözlərini yazıblar.

Qonaqları salamlayan Heydər Əliyev adına Hərbi İnstitutun rektoru general-mayor Fizuli Salahov onları ölkəmizdə görməkdən məmnun olduğunu bildirib.

Nümayəndə heyətlərinə hərbi institutun tarixi və fəaliyyəti barədə brifinqlər təqdim edilib, hərbi təhsil sahəsində maraq doğuran bir sıra məsələlər müzakirə edilib.

Sonra qonaqlar təhsil müəssisəsinin ərazisi, tədris korpusları, maddi-texniki bazası və muzeyi ilə tanış olub, eyni zamanda, tədris prosesini izləyiblər.

Sonda qarşılıqlı hədiyyələr təqdim edilib.

Aynur Camal

Oxşar xəbərlər

Məktəbəqədər təhsil müəssisələrinə sənəd qəbulu müvəqqəti dayandırılır

Aynur Camal

Azərbaycan millisi ikinci pillədə yer alıb

Aynur Camal

Hərbi həkimlər Mərkəzi Hərbi Klinik Hospitalda konfrans zamanı

Şükufə Ramizqızı

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz. Qəbul edin Ətraflı Oxu