BMT-nin Ərzaq və Kənd Təsərrüfatı Təşkilatı (FAO) tərəfindən açıqlanan məlumata görə, qlobal ərzaq qiymətləri may ayında son üç ilin ən yüksək səviyyələrinə yaxın qalmaqda davam edib.
Bugun.tv– xəbər verir ki, taxıl və şəkər məhsullarının bahalaşması bitki yağlarında qeydə alınan ucuzlaşmanı kompensasiya edərək ümumi qiymət indeksini yüksək səviyyədə saxlayıb.
FAO-nun Ərzaq Qiymətləri İndeksi may ayında 130,8 bənd təşkil edib. Bu göstərici aprel ayı ilə müqayisədə cüzi azalsa da, ötən ilin eyni dövrü ilə müqayisədə 30 faiz yüksək olub.
Hesabata əsasən, taxıl qiymətləri may ayında 2,6 faiz artaraq 114,3 bəndə yüksəlib. Buğda, qarğıdalı və düyü qiymətlərindəki bahalaşma artımın əsas səbəbləri kimi göstərilir. Şəkər qiymətləri isə aylıq müqayisədə 7,8 faiz yüksələrək 2025-ci ilin oktyabrından bəri ən yüksək səviyyəyə çatıb.
Mütəxəssislər enerji və gübrə xərclərinin artmasının kənd təsərrüfatı istehsalına əlavə təzyiq yaratdığını bildirirlər. Bunun yaxın aylarda ərzaq bazarlarında yeni qiymət artımlarına səbəb ola biləcəyi vurğulanır.
FAO-nun ayrıca hesabatında qeyd olunur ki, 2026–2027-ci mövsümdə dünya üzrə taxıl istehsalının 2 faiz azalaraq 2,982 milyard tona düşəcəyi proqnozlaşdırılır. Bununla yanaşı, qlobal taxıl istehlakının artmaqda davam edəcəyi gözlənilir.
Mənbə: İLKHA