Rusiya Türkiyədə baş vermiş dağıdıcı zəlzələlərdən zərər çəkənlərə 180 tondan çox humanitar yardım göndərib.
Bugun.tv xəbər verir ki, bu barədə Anadolu xəbər agentliyi hakimiyyət orqanlarına istinadən məlumat yayıb.
Bildirilir ki, Soçidən “Evrim Group” gəmisi vasitəsilə zəlzələlərdən zərər çəkənlər üçün 184 ton ərzaq məhsulları gəlib.
Qeyd edək ki, fevralın 6-da Türkiyənin ölkənin cənub-şərqində yerləşən Kahramanmaraş vilayətində 7,7 və 7,6 bal gücündə iki güclü zəlzələ baş verib. Yeraltı təkanlar Suriya da daxil olmaqla, on bir vilayətdə, minlərlə artçı təkanla müşayiət olunub. Rəsmi statistikaya görə, zəlzələlər 50 mindən çox insanın həyatına son qoyub. Zərər 100 milyard ABŞ dollarından çox qiymətləndirilir.
Mənbə: TASS