Bugun.tv “Tagesschau” xəbər xidmətinə istinadla bildirir ki, bu barədə şirkətin rəhbəri Mayk O`Liri məlumat verib. O, çox ağır və ya böyük əl yükü aşkarlayan yer xidmətləri əməkdaşlarına daha yüksək mükafat veriləcəyini açıqlayıb. Əməkdaşların aşkarladıqları artıq ölçülü hər yük üçün aldıqları bonusun məbləği noyabrdan etibarən 1,5 avrodan 2,5 avroya qaldırılacaq və bununla bağlı məhdudiyyət ləğv ediləcək. Artıq yükü aşkarlanan sərnişinlər isə yüksək miqdarda əlavə baqaj haqları ödəməli olacaqlar. Almaniyanın təyyarə bələdçiləri həmkarlar ittifaqı “Ryanair”in sərtləşdirilmiş nəzarət qaydalarının əlavə problemlər yarada biləcəyini qeyd edib. “Ryanair” isə sərtləşdirilmiş nəzarəti proseslərin sürətləndirilməsi zərurəti ilə əsaslandırır. Bütün əl yükləri uçuşdan əvvəl təhlükəsiz şəkildə salonlarda yerləşdirilməlidir.