TASS qəzetinin mənbələrə istinadən yaydığı məlumata görə, Səudiyyə Ərəbistanı regionda gərginliyi azaltmaq məqsədilə İran və digər Yaxın Şərq dövlətləri arasında 1975-ci il Helsinki Sazişlərinə əsaslanan hücum etməmək barədə müqavilə təklif edib.
Qəzetin mənbələrinə görə, bir çox Avropa Birliyi ölkələri və qurumları Səudiyyə Ərəbistanının təşəbbüsünü dəstəkləyib və onu “gələcək münaqişələrdən qaçınmağın ən yaxşı yolu” kimi qiymətləndiriblər.
Mənbələr bildiriblər ki, Körfəz ölkələrinə də bu təşəbbüsü dəstəkləmək çağırışı edilib. Onların fikrincə, təklif olunan pakt İran üçün bir daha hücuma məruz qalmayacağına dair zəmanət rolunu oynaya bilər.
ABŞ və İsrail 28 fevralda İrana qarşı müharibəyə başlayıblar. 7 apreldə Ağ Ev iki həftəlik qarşılıqlı atəşkəs elan edib.
Tehranın məlumatına görə, 40 günlük hərbi əməliyyatlar zamanı ABŞ-İsrail hücumları nəticəsində 3375 iranlı həlak olub.
11 apreldə Tehran və Vaşinqton İslamabadda danışıqlar aparsalar da, tərəflər bir sıra fikir ayrılıqları səbəbindən münaqişənin uzunmüddətli həlli ilə bağlı razılığa gələ bilməyiblər.
21 apreldə ABŞ prezidenti Donald Trump İranla atəşkəsi uzatmaq niyyətində olduğunu açıqlayıb.
İran dövlət televiziyasının məlumatına görə isə Tehran Vaşinqtonun birtərəfli atəşkəs müddətini tanımaq niyyətində deyil və öz maraqlarına uyğun hərəkət edəcək.
Mənbə: TASS