Serbiya və Kosovo arasında vəziyyət gərginləşib.
Xarici KİV-nin verdiyi məlumata görə, Serbiya prezidenti Aleksandr Vuçiç bu gün Təhlükəsizlik Şurasının iclasından sonra Kosovo polisinin serblərin barrikadalarına hücuma keçəcəyi ilə bağlı açıqlama verib.
O, Kosovodakı alban və serbləri sülh sazişi bağlamağa çağırıb və bildirib ki, Belqrad NATO və Avropa İttifaqından serb nümayişçilərə qarşı güc tətbiq edilməyəcəyinə dair zəmanətə malikdir.
Eyni zamanda prezident əlavə edib ki, Serbiyanın polis və hərbçiləri istənilən əmrə hazırdır.