Bugun.tv xəbər verir ki, Sloveniyanın şimal, mərkəzi, şərq və qərb bölgələrində təsirli olan seldə həyatını itirənlərin sayı 6-ya yüksəlib.
Sloveniya Xəbər Agentliyinin (STA) məlumatına görə, kişi meyiti ölkənin Mirna Peç bələdiyyəsinin İvanja kəndindən keçən Temenica çayında tapılıb. Cəsədin dünən sel işləri zamanı foseptik çəninə düşərək yoxa çıxan 35 yaşlı şəxsə məxsus olduğu açıqlanıb.
Ümumdünya Səhiyyə Təşkilatının (ÜST) Avropa direktoru Hans Kluge əvvəllər “Twitter” kimi tanınan “X” sosial media platformasında Sloveniyada baş verən son daşqınla bağlı paylaşım edib.
Sloveniyaya dağıdıcı daşqın nəticəsində insan tələfatı ilə bağlı başsağlığı verdiyini bildirən Kluge, “Avropada bir vaxtlar qeyri-sabit hava şəraiti yeni normal halına gəldi. İqlim böhranının sağlamlığa təsirləri ilə mübarizədə ölkələri dəstəkləyirik”, – deyib.
Baş naziri Robert Qolob selin ölkədə vurduğu ziyanın 500 milyon avronu keçə biləcəyini bəyan edib.