Bugun.tv xəbər verir ki, Ukrayna Hərbi Hava Qüvvələrinə məxsus Su-24M tipli bombardman təyyarəsi Xmelnitski vilayətində tapşırıq yerinə yetirərkən qəzaya uğrayıb.
Ukrayna Hərbi Hava Qüvvələri Komandanlığının yaydığı məlumata görə, hadisə yerli vaxtla saat 19:00 radələrində baş verib. Təyyarənin hansı səbəbdən qəzaya uğradığı hələlik açıqlanmayıb.
Bildirilib ki, axtarış-xilasetmə qrupları və hüquq-mühafizə orqanlarının əməkdaşları hadisə yerində araşdırmaları davam etdirirlər. İlkin məlumata əsasən, qəza nəticəsində mülki əhali arasında ölən və ya yaralanan olmayıb.
Qəza zamanı təyyarədə olan iki pilotun həlak olduğu təsdiqlənib.
Hadisənin səbəblərinin müəyyənləşdirilməsi üçün araşdırma aparılır.
Mənbə: Ensonhaber