Rusiyanın ən böyük internet platformalarından biri olan Mail.ru (VK ekosistemi) “Интересное” (Interesnoe) bölməsində böyük dəyişiklik üzərində işləyir.
Məlumata görə, platforma istifadəçilərə göstərilən xəbərləri artıq ənənəvi redaktor seçimi ilə deyil, süni intellekt (AI) alqoritmləri ilə formalaşdıracaq. Yeni sistem istifadəçinin oxuma vərdişlərini, maraq dairəsini və klik davranışını analiz edərək fərdi xəbər lentləri yaradacaq.
Şirkətin məqsədi istifadəçilərin “daha uyğun və maraqlı kontent” görməsini təmin etməkdir. Lakin ekspertlər xəbərdarlıq edir ki, bu cür sistemlər “informasiya köpüyü” yarada və istifadəçinin yalnız oxumaq istədiyi xəbərləri görməsinə səbəb ola bilər.
Yeni AI əsaslı “Интересное” sisteminin sınaq mərhələsinə 2026-cı ilin ikinci yarısında başlanacağı gözlənilir.
Mənbə: mail.ru