Bugun.tv xəbər verir ki, İstanbulda PKK/KCK silahlı terror təşkilatına qarşı keçirilən əməliyyatda barəsində həbs qərarı çıxarılan 7 nəfərdən 5-i saxlanılıb. Ünvanlarında tapıla bilməyən 2 şübhəlinin tutulması üçün işlər davam etdirilir.
TRT Haber-in məlumatına görə, əvvəlki əməliyyatlarda əldə edilən rəqəmsal materiallar İstanbul Terrorla Mübarizə və Kəşfiyyat Şöbə Müdirliyi qrupları tərəfindən separatçı terror təşkilatının fəaliyyətlərinin deşifrə edilməsi və qarşısının alınması istiqamətində aparılan işlər çərçivəsində araşdırılıb.
Araşdırma nəticəsində qruplar bəzi şübhəlilərin PKK/KCK terror təşkilatı ilə bağlı təşkilati fəaliyyət və insan alveri ilə məşğul olduqlarını müəyyən edib.