Britaniyanın The Times nəşri Müctəba Xameneinin ağır yaralandığını və hazırda Qum şəhərində müalicə aldığını iddia edib.
Məlumata görə, xəbərdə bu iddia ABŞ və İsrail kəşfiyyat orqanlarının Körfəz ölkələri ilə paylaşdığı diplomatik qeydə əsaslandırılır. Bildirilir ki, Müctəba Xamenei atasına qarşı həyata keçirilən hücum zamanı ağır xəsarət alıb və bu səbəbdən ölkədə qərar qəbul etmə proseslərində iştirak edə bilmir.
Qeyd olunur ki, sözügedən hücum nəticəsində Əli Xamenei-nin həyatını itirdiyi də iddialar arasında yer alır.
Xəbərdə həmçinin vurğulanır ki, ABŞ və İsrail kəşfiyyat orqanlarının Müctəba Xameneinin yerləşdiyi məkanı əvvəlcədən bildiyi, lakin bu məlumatların indiyədək ictimaiyyətə açıqlanmadığı qeyd olunur.
Hadisələrin fonunda İran ilə ABŞ və İsrail arasında davam edən hərbi gərginlik regionda vəziyyəti daha da mürəkkəbləşdirir.
Rəsmi mənbələr tərəfindən isə bu iddialarla bağlı hələlik təsdiq və ya təkzib verilməyib.
Mənbə: Ensonhaber