Bugun.tv xəbər verir ki, Apple-ın baş direktoru Tim Kuk 33 milyon dollar dəyərində səhmlərinin bir hissəsini satıb.
Qiymətli Kağızlar və Birja Komissiyasının məlumatına görə, Tim Kukun müəyyən şərtlər yerinə yetirildikdə avtomatik satışa çıxarılan səhmləri var. Lakin bu şərtlərin nədən ibarət olduğu açıqlanmır.
Keçən il Tim Kuk Apple-in uğurlu nəticəsinə görə 63,2 milyon dollar bonus qazanıb. Bu bonusun 3 milyon dolları əmək haqqı, 47 milyonu səhmlər üçün, 10,7 milyon dolları isə performans yönümlü olub.
Bunun nəticəsi olaraq əhəmiyyətli miqdarda Apple səhmlərini qazanan Kuk onların bir qismini xaric edib. Buna baxmayaraq, Kukun təxminən 3,3 milyon daha çox səhmə sahib olduğu bildirilir.