ABŞ Prezidenti Donald Tramp İran və Oman vasitəsilə aparılan danışıqların müsbət istiqamətdə irəlilədiyini və strateji əhəmiyyətə malik Hörmüz boğazının tezliklə gəmilərin hərəkəti üçün açıla biləcəyini bəyan edib.
Bugun.tv xəbər verir ki, bu barədə Anadolu Agentliyi məlumat yayıb.
Məlumata görə, ABŞ və İran arasında Omanın vasitəçiliyi ilə keçirilən məsləhətləşmələrdə dəniz nəqliyyatının təhlükəsizliyi və naviqasiya marşrutlarının bərpası məsələləri müzakirə olunur. İran Xarici İşlər Nazirliyinin sözçüsü İsmaill Bəqai də Omanla aparılan danışıqların həm texniki, həm də siyasi səviyyədə müsbət qiymətləndirildiyini təsdiqləyib.
ABŞ rəhbərliyi razılaşma əldə olunacağı təqdirdə Fars körfəzində gərginliyin zəifləyəcəyini və qlobal enerji daşımaları üçün kritik önəm daşıyan su keçidinin təhlükəsiz fəaliyyətinin bərpa ediləcəyini vurğulayıb.
Mənbə: Anadolu Agentliyi