ABŞ prezidenti Donald Trump İranın nüvə proqramı ilə bağlı yeni açıqlamalar verib.
Bugun.tv xəbər verir ki, Tramp İranın uranı zənginləşdirmə fəaliyyətini dayandıracağına və nüvə silahı hazırlamaq cəhdlərindən imtina edəcəyinə “yüzdə 100” əmin olduğunu bildirib.
WABC radiosuna müsahibəsində danışan Tramp İran rəsmilərinin ona zənginləşdirilmiş uranı ABŞ-a təhvil verəcəklərini söylədiyini iddia edib.
ABŞ lideri həmçinin İranın vurulan nüvə obyektlərində qalan radioaktiv maddələrin çıxarılması məsələsinin də müzakirə olunduğunu deyib. Onun sözlərinə görə, bu proseslə bağlı danışıqlar davam edir.
“Əlimizdə çoxlu koz var”
İranla razılaşma əldə etmək üçün təzyiq altında olub-olmaması barədə suala cavab verən Tramp bildirib ki, tələsməyə ehtiyac görmür.
“Üzərimdə heç bir təzyiq yoxdur. Heç nəyi tələsdirməyəcəyik. Əlimizdə çoxlu koz var”, – deyə o vurğulayıb.
Tramp Ağ Evdə bir gün əvvəl etdiyi çıxışda isə İranla bağlı atəşkəs vəziyyətinin çox zəif olduğunu demişdi. O, İranın təqdim etdiyi son təklifi “axmaqca” adlandıraraq atəşkəsin “hazırda həyat dəstəyinə bağlı vəziyyətdə olduğunu” söyləmişdi.
Mənbə: EnSonHaber