ABŞ Prezidenti Donald Trump İranla bağlı sərt bəyanatla çıxış edib. O bildirib ki, əgər mövcud atəşkəs müddəti bitdikdən sonra tərəflər razılığa gələ bilməsə, Tehrana qarşı “çoxsaylı bombalar” tətbiq oluna bilər.
Tramp bu açıqlamanı PBS telekanalına müsahibəsində verib. ABŞ lideri danışıqların əsas məqsədinin İranın nüvə silahına malik olmasının qarşısını almaq olduğunu vurğulayıb. “Heç bir nüvə silahı. Bu çox sadədir. İran nüvə silahına sahib ola bilməz”, – deyə o qeyd edib.
Məlumata görə, aprelin 20-də Pakistan ərazisində ABŞ və İran nümayəndə heyətlərinin ikinci raund danışıqları planlaşdırılır. Tramp bildirib ki, Vaşinqtonun mövqeyi dəyişməzdir və müzakirələr yalnız bu məsələ ətrafında aparılır.
ABŞ Prezidenti həmçinin özünün Truth Social hesabında paylaşım edərək qeyd edib ki, İsrail onu İranla müharibəyə başlamağa təşviq etməyib. O əlavə edib ki, 2023-cü il 7 oktyabr tarixində Hamas tərəfindən İsrailə edilən hücumlar onun İranın nüvə silahı əldə etməməsi ilə bağlı mövqeyini daha da gücləndirib.
Qeyd edək ki, Vaşinqton və Tehran arasında müvəqqəti atəşkəs 8 aprel tarixində razılaşdırılıb və onun müddəti 21 aprel tarixində başa çatır.
Mənbə: mail.ru