Bugun.tv xəbər verir ki, İstanbulun Fatih şəhərində yüngül ticari avtomobil tramvay yoluna girərək, xidmətlərin dayandırılmasına səbəb olub. Yüngül ticari avtomobil Aksaray və Yusufpaşa stansiyaları arasındakı tramvay yoluna girərək yolun bağlanmasına səbəb olub.
TRT Haber-in məlumatına görə, Tramvay xidmətləri bir müddət kəsilərkən, sərnişinlərin tramvay yolunda getdiyi görülüb. Metro İstanbulun sosial media hesabında edilən paylaşımda, “T1 Kabataş-Bağcılar Tramvay Xəttimizdə yol vasitəsinin dəmir yolu xəttinə girməsi və yolumuzun bağlanması səbəbindən xidmətlərimiz Kabataş-Sultanahmet və Yusufpaşa-Bağcılar stansiyaları arasında həyata keçirilir. ” ifadəsi işlədildi.
Yanğınsöndürənlərin işi nəticəsində avtomobil relslərdən çıxarılıb. Avtomobil evakuatorun köməkliyi ilə götürüldükdən sonra tramvayların hərəkəti normallaşıb.