Kahramanmaraşda baş verən zəlzələdən 1 aya yaxın vaxt keçməsinə baxmayaraq axtarışlar dayanmayıb.
Bugun.tv-yə bu barədə xilasedicilərdən biri “Azaflı” hüquq şirkətinin əməkdaşı Figən Kaynak məlumat verib. “Zəlzələ zonalarında iş maşınları ilə dağıntları təmizləmə, xilasetmə işlər davam edir. Həmin bölgələrdə çadırlar və konteyner evlər yaradılmağa başlanılıb. Zəlzələdən sağ çıxanların çoxu həmin bölgələrdən başqa əyalətlərə köç edirlər. Artıq Əskişəhərə 27 min nəfər gəlib. Bizim axtarış- xilasetmə komandamızın da zəlzələ bölgələrində fəaliyyətləri yekunlaşıb. Buna baxmayaraq, zəlzələdən sağ çıxanlara evlər tutur, mənzillərini lazım olan məişət əşyaları ilə təmin edirik”. Figen xanımın sözlərinə görə, dağıntından sağ çıxanlar normal həyata dönməyə çalışırlar. Ancaq bəzi bölgələrdə titrəyişlər davam etdiyi üçün insanlarda qorxu, panika var. Bəzi bölgələrdə bu gün də 4 baldan yuxarı zəlzələlər hiss olunur. 
Müəllif: Qaytən Qasımzadə