Bugun.tv xəbər verir ki, Ukrayna Prezidenti Volodimir Zelenski Rusiyanın dövlət başçısı Vladimir Putinə G7 sammiti çərçivəsində görüş keçirməyi təklif etdiyini açıqlayıb.
Zelenskinin sözlərinə görə, təşəbbüs Ukraynada davam edən müharibənin dayandırılması və sülh danışıqlarının irəlilədilməsi məqsədi daşıyıb. Lakin Rusiya tərəfi bu təklifə müsbət cavab verməyib.
Ukrayna lideri bildirib ki, ölkəsi münaqişənin diplomatik yollarla həllinə açıqdır və davamlı sülhün təmin olunması üçün beynəlxalq tərəfdaşlarla əməkdaşlığı davam etdirir.
Məlumata görə, Fransa Evian şəhərində keçirilən G7 sammitində Ukraynadakı vəziyyət, regional təhlükəsizlik məsələləri və Rusiyanın hərbi əməliyyatları əsas müzakirə mövzularından biridir.
Qeyd edək ki, Volodimir Zelenskinin sammit çərçivəsində bir sıra dünya liderləri ilə ikitərəfli görüşlər keçirməsi də nəzərdə tutulur.
Mənbə: Reuters