Bugun.tv xəbər verir ki, psixoloq və MDU-nun (MGPPU) “Ekstremal psixologiya” fakültəsinin dekanı Dmitri Deulin arıqlama prosesini sürətləndirən sadə, lakin təsirli psixoloji üsul barədə danışıb.
Onun sözlərinə görə, arıqlamaq istəyən insanın tək deyil, komanda şəklində hərəkət etməsi daha yaxşı nəticə verir. Bu zaman “rəqabət effekti” işə düşür və sağlam yarış mühiti insanı daha çox motivasiya edir.
Psixoloq bildirib ki, məqsədi eyni olan insanların bir araya gəldiyi dəstək qrupu – onlayn icma, ailə üzvü və ya dost arıqlama prosesində mühüm rol oynayır. Belə şəxslər insanın uğurlarını izləyərək ona müsbət rəy verə bilər və bu da motivasiyanı artırır.
Mütəxəssis əlavə edib ki, insanın nəticələrinin başqaları tərəfindən izlənməsi və qiymətləndirilməsi – tərif, alqış və ya qısa motivasiyaedici sözlər – arıqlama prosesini daha da gücləndirir.
Deulin eyni zamanda sağlamlıq və çəki göstəricilərinin mütəmadi izlənməsini, qidalanma planının hazırlanmasını və həddindən artıq yeməyə səbəb olan mənfi təsirlərin aradan qaldırılmasını tövsiyə edib.
Mənbə: mail.ru