Bugun.tv xəbər verir ki, tanınmış bakılı şair El Bakuvinin “Этот день Победы” adlı yeni kitabı işıq üzü görüb. Kitabın nəşri münasibətilə Azərbaycanın Xalq yazıçısı Çingiz Abdullayevlə görüş keçirilib. Görüş zamanı xatirə fotosu çəkdirilib və yeni nəşr ətrafında fikir mübadiləsi aparılıb.
Məlumata görə, “Этот день Победы” kitabında vətənpərvərlik, qələbə ruhu və milli-mənəvi dəyərlər əsas mövzulardan biridir. El Bakuvinin yaradıcılığı son illərdə həm klassik Şərq poetikasına bağlılığı, həm də müasir lirika üslubu ilə diqqət çəkir. Şairin əsərlərində Bakı mühiti, milli ruh və emosional poetik təsvirlər xüsusi yer tutur.
Qeyd edək ki, bundan əvvəl də Çingiz Abdullayev El Bakuvinin yaradıcılığı haqqında yüksək fikirlər səsləndirib və onun poeziyasını Azərbaycan ədəbiyyatının diqqətçəkən nümunələrindən biri kimi qiymətləndirib.