Azərbaycan-Hindistan əlaqələri, mədəni əməkdaşlıq, Adil Kərimli, Abhay Kumar, Atəşgah məbədi, Hindistan kinosu, turizm əlaqələri, mədəniyyət xəbərləri
Baş xəbərMədəniyyət

Azərbaycan və Hindistan mədəni əməkdaşlığı genişləndirmək istəyir

Bugun.tv-yə daxil olan məlumata görə, Azərbaycan və Hindistan arasında mədəni əlaqələrin daha da möhkəmləndirilməsi, birgə layihələrin həyata keçirilməsi və turizm sahəsində əməkdaşlığın genişləndirilməsi istiqamətində yeni imkanlar müzakirə olunub.

Məlumata əsasən, Hindistanın Azərbaycandakı səfiri Abhay Kumar Azərbaycanın mədəniyyət naziri Adil Kərimli ilə görüşüb. Görüşdə iki ölkə arasında mövcud tarixi və sivilizasiya əlaqələrinə əsaslanaraq mədəni münasibətlərin dərinləşdirilməsi məsələləri ətrafında fikir mübadiləsi aparılıb.

Azərbaycan-Hindistan əlaqələri, mədəni əməkdaşlıq, Adil Kərimli, Abhay Kumar, Atəşgah məbədi, Hindistan kinosu, turizm əlaqələri, mədəniyyət xəbərləri

Tərəflər Hindistanlı turistlər və zəvvarlar arasında böyük maraq doğuran Atəşgah məbədinin, Maha Cvala Devi adı ilə də tanınan bu tarixi məkanın daha geniş təbliği imkanlarını nəzərdən keçiriblər. Həmçinin turizmin təşviqi və xalqlar arasında əlaqələrin genişləndirilməsi diqqət mərkəzində olub.

 

Görüşdə kino sahəsində əməkdaşlıq xüsusi yer tutub. Hindistan kinosunun Azərbaycanda ənənəvi populyarlığı nəzərə alınaraq, birgə film layihələrinin hazırlanması və film istehsalı sahəsində hüquqi-normativ çərçivələrin təkmilləşdirilməsi imkanları müzakirə edilib.

Azərbaycan-Hindistan əlaqələri, mədəni əməkdaşlıq, Adil Kərimli, Abhay Kumar, Atəşgah məbədi, Hindistan kinosu, turizm əlaqələri, mədəniyyət xəbərləri

 

Bundan başqa, mədəniyyət günləri və festivalların təşkili, musiqi və səhnə sənətləri üzrə mübadilələr, ədəbi əlaqələr, kitab sərgiləri, əsərlərin tərcüməsi və təhsil təşəbbüsləri barədə fikir mübadiləsi aparılıb.

Tərəflər, eyni zamanda, çoxtərəfli platformalarda əməkdaşlığın gücləndirilməsinin əhəmiyyətini vurğulayıblar.

Aynur Camal

Oxşar xəbərlər

Kembric lüğəti 2026-cı ilin sözünü seçdi: “İnsan”

Aynur Camal

Ankarada “Sonsuzluğun simfoniyası” adlı monumental kompozisiya ucaldıldı

Aynur Camal

17 Noyabr – Milli Dirçəliş Günü: Xalqın azadlıq iradəsinin tarixə çevrildiyi gün

Aynur Camal

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz.Qəbul edinƏtraflı Oxu