Dünya

Balıq yağı əlavələri insult və infarkt riskini artırır

Yeni araşdırmaya görə, balıq yağı əlavələrinin müntəzəm istifadəsi sağlam insanlarda insult və infarkt riskini azaltmaq əvəzinə artırır.  Tədqiqatçılar balıq yağı əlavələrinin ürək xəstəliyi olan insanlar üçün faydalı olduğunu, sağlam insanlar üçün isə bunun əksi olduğunu bildiriblər.

Omeqa-3 yağ turşularının əla mənbəyi olan balıq yağı əlavələri ürək-damar xəstəlikləri riskini uzaq tutmaq üçün tez-tez üstünlük verilən üsuldur.

ABŞ-da 60 yaşdan yuxarı yaşlıların təxminən 20 faizi ürək sağlamlığını dəstəkləmək üçün bu məhsullardan tez-tez istifadə edir.

Yeni bir araşdırma, balıq yağı əlavələrindən müntəzəm istifadənin sağlam insanlarda insult və infarkt riskini azaltmaq əvəzinə artıra biləcəyini müəyyən etdi.

Böyük Britaniyadakı beynəlxalq tədqiqatçılar orta hesabla 12 il ərzində təqib edilən 40-69 yaş arası 415.000-dən çox insanın sağlamlıq məlumatlarını təhlil ediblər.

Tədqiqatçılar qeyd ediblər ki, bu insanların təxminən üçdə biri müntəzəm olaraq balıq yağı əlavələri qəbul edib.

Tədqiqatçılar balıq yağı əlavələrinin ürək xəstəliyi olan insanlar üçün faydalı olduğunu söyləyərək, sağlam insanlarda insult və ürək xəstəlikləri riskini artırdığını irəli sürüblər.

Aparılan araşdırmalara görə, müntəzəm olaraq balıq yağı əlavələrinin qəbulu ürək xəstəliyi olmayan insanlarda atrial fibrilasiyanın (ürəyin qulaqcıqlarının yaratdığı aritmiya) inkişaf riskini 13 faiz, insult riskini isə 5 faiz artırır.

Araşdırmada iştirak edən ekspert Dr. “Mən deyərdim ki, insanların özlərini sağlam saxlamaq üçün mağazaya gedib vedrələrlə balıq yağı həbi aldıqları günlər bitməlidir. Balıq yağı yalnız onsuz da xəstə olan insanlara təsir edə bilər”, – Andrew Freeman deyib.

Mənbə: Ntv.Tr

Aynur Camal

Oxşar xəbərlər

Pilotsuz təyyarəni kim göndərdi? Müzakirələr davam edir

Aynur Camal

Kiyevdə partlayışlar baş verib

Aynur Camal

Epidemiyadan həyatını itirənlərin sayı 118-ə çatdı

Nigar Məmmədova

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz. Qəbul edin Ətraflı Oxu