Bugun.tv xəbər verir ki, Ebola virusunun yayıldığı bölgədən gələn bir sərnişinin səhvən ABŞ istiqamətli təyyarəyə minməsi səbəbindən təyyarə Kanadaya yönləndirilib.
Məlumatına görə, hadisə beynəlxalq səhiyyə və aviasiya qurumlarında ciddi narahatlıq yaradıb. Rəsmilər sərnişinin Konqo Demokratik Respublikasından gəldiyini təsdiqləsələr də, onun Ebola simptomları göstərib-göstərmədiyi barədə məlumat verməyiblər.
Məlumata əsasən, təyyarə ehtiyat tədbiri olaraq Kanadada hava limanına endirilib və sərnişin xüsusi tibbi nəzarətə götürülüb. Təyyarədə olan digər şəxslər də tibbi yoxlamadan keçirilib.
Ümumdünya Səhiyyə Təşkilatı son günlərdə Ebola virusunun yayılması ilə bağlı xəbərdarlıq edib. Bildirilir ki, Afrika bölgəsində yoluxma və ölüm hallarında artım müşahidə olunur. Ekspertlər beynəlxalq uçuşlarda nəzarət tədbirlərinin daha da gücləndirilməsinin vacibliyini vurğulayırlar.
Mənbə: BBC