Hindistanın Bhopal şəhərində BRICS Mədəniyyət Nazirlərinin 11-ci Görüşü başa çatıb. Görüşün sonunda iştirakçılar mədəni və yaradıcı sənaye sahələrində əməkdaşlığı genişləndirən Bhopal Bəyannaməsini qəbul ediblər.
TV BRICS-in məlumatına görə, tədbirdə 10 BRICS üzvü və 4 tərəfdaş ölkə olmaqla ümumilikdə 14 dövlətdən 55 nümayəndə iştirak edib. Bunlar Braziliya, Çin, Misir, Efiopiya, Hindistan, İndoneziya, İran, Rusiya, Cənubi Afrika, BƏ, həmçinin Belarus, Kuba, Qazaxıstan və Taylanddır.
Bəyannamə mədəni və yaradıcı sənaye sahələrində təcrübə mübadiləsini, mədəniyyət mütəxəssislərinə dəstək və rəqəmsal vasitələrlə bazara çıxışı nəzərdə tutur. Sənəddə UNESCO ilə əməkdaşlıq, mədəni irsin mənşəyi və qaytarılması, ənənəvi biliklərin qorunması ilə bağlı müddəalar yer alıb. Ölkələr muzeylər, kitabxanalar və arxivlər arasında rəqəmsallaşdırma sahəsində əməkdaşlığı da razılaşdırıb.
Qeyd olunub ki, Hindistan rəssamların könüllü reyestri üçün pilot layihəyə başlayır. Layihə mədəni mübadiləni və peşəkar imkanları genişləndirməlidir.
Mənbə: TV BRICS