Bugun.tv xəbər verir ki, 2026-cı il FIFA Dünya Kubokunun final oyunu ABŞ tarixində futbol üzrə ən çox izlənilən televiziya yayımı olub.
Reuters-in məlumatına görə, İspaniyanın Argentinanı əlavə vaxtda 1:0 hesabı ilə məğlub edərək dünya çempionu olduğu final qarşılaşmasını ABŞ-da ümumilikdə 63 milyona yaxın tamaşaçı izləyib. Bu göstərici ölkədə futbol üzrə əvvəlki bütün televiziya rekordlarını geridə qoyub.
Məlumata əsasən, ingilisdilli yayım 38,9 milyon, ispandilli televiziya və rəqəmsal platformalar isə 23,9 milyon izləyici toplayıb. Beləliklə, 2026-cı il Dünya Kubokunun finalı ABŞ-da 2022-ci il mundialının finalı ilə müqayisədə təxminən üç dəfə daha çox tamaşaçı auditoriyası cəlb edib.
Mütəxəssislər rekord izlənmə göstəricisini turnirin ABŞ-da keçirilməsi, finala böyük maraq və futbolun ölkədə populyarlığının sürətlə artması ilə əlaqələndirirlər.
Mənbə: Reuters