Bugun.tv xəbər verir ki, gözlərindən yaş axan sarı üz emojisi dünya üzrə ən çox istifadə olunan emoji olub. Google tərəfindən yayımlanan məlumatlara görə, bu emoji rəqəmsal ünsiyyətdə lider mövqeyə yüksəlib.
Əvvəllər gülməkdən ağlayan üz emojisi ən çox istifadə edilən simvollar sırasında idi. Lakin xüsusilə gənclər arasında bu emojinin populyarlığı azalıb. 30 yaşdan aşağı istifadəçilər eyni vəziyyətlərdə tez-tez kəllə emojisinə üstünlük verirlər.
Gözlərindən yaş axan üz emojisi əvvəlcə kədər, ağrı və hüznü ifadə etmək üçün hazırlanıb. Lakin hazırda istifadəçilər ondan tamamilə fərqli məqsədlərlə də yararlanırlar. Bu emoji gülməkdən “ölmək”, çox gülməli və ya qəribə vəziyyətə təəccüblənmək, hətta absurd hadisələrə şişirdilmiş reaksiya vermək mənasında işlədilir.
Məlumata görə, 2026-cı ildə gənclərin emoji seçimlərində də dəyişiklik müşahidə olunur. Sınıq ürək əvəzinə solmuş gül, bəyənmə işarəsi əvəzinə isə dua edən əllər emojisi daha çox seçilir.
Moai heykəli emojisi də son illərdə populyarlığını kəskin artırıb. 2021-ci ildə istifadə sıxlığına görə 482-ci yerdə olan bu emoji hazırda 33-cü pilləyə yüksəlib.
Mütəxəssislər emojilərin artıq sadəcə şəkil deyil, rəqəmsal ünsiyyətdə ayrıca ifadə vasitəsinə çevrildiyini bildirirlər.
Mənbə: TRT Haber