2026-cı ildə kömür, neft və təbii qazdan qaynaqlanan karbon qazı emissiyalarının azalacağı proqnozlaşdırılır. Lakin bu azalma iqlim dəyişikliyi ilə mübarizə tədbirlərinin nəticəsi deyil, əsasən enerji təchizatında yaranan problemlərlə əlaqələndirilir.
Bugun.tv xəbər verir ki, bu barədə “Associated Press” (AP) noyabrın 10-da məlumat yayıb.
Qlobal Karbon Layihəsinin hesablamalarına əsasən, cari ildə qalıq yanacaqlardan yaranan karbon qazı emissiyaları ötən illə müqayisədə 0,4 faiz azalaraq 42,2 milyard tona düşə bilər. Alimlər bu azalmanın əsas səbəblərindən biri kimi İran müharibəsinin Hörmüz boğazında enerji və neft daşımalarına yaratdığı çətinlikləri göstərirlər.
Bununla belə, ümumi mənzərə nikbin deyil. Meşələrin qırılması və torf ərazilərində baş verən yanğınlar nəticəsində yaranan emissiyaların artması səbəbindən dünyada ümumi karbon emissiyalarının 1 faiz yüksələcəyi gözlənilir.
Mütəxəssislər vurğulayırlar ki, qalıq yanacaq emissiyalarındakı cüzi azalma iqlim dəyişikliyi ilə mübarizədə davamlı irəliləyiş kimi qiymətləndirilməməlidir. Bunun üçün enerji istehsalında təmiz mənbələrə keçidin sürətləndirilməsi və meşələrin qorunması vacibdir.
Mənbə: AP News