Fransa və Çad arasında əməkdaşlıq müqaviləsinin müddəti başa çatdıqdan sonra Paris hökuməti Çaddakı Faya hərbi bazasını boşaldıb. Fransa Baş Qərargahının X hesabında edilən açıqlamaya görə, Çadda olan Fransa əsgərlərinin təxliyyəsi davam edir.
Çadda fransız əsgərlərinin yerləşdiyi Faya hərbi bazası Çad ordusuna qaytarılıb.
Çad hökuməti müdafiə sənayesi və təhlükəsizlik sahəsində əməkdaşlığı gücləndirmək məqsədi ilə noyabrın 28-də Fransa ilə imzalanmış müqaviləni ləğv etmək qərarına gəldiyini açıqlayıb.
Daha sonra Fransa döyüş təyyarələrinin və hərbi birləşmələrinin ölkəni tərk etməyə başladığı bildirilib.
Çad səlahiyyətliləri, ölkədəki 1000 fransız əsgərinin çıxarılması prosesinin yanvarın 31-dək tamamlanmasını tələb etmişdi.
Mənbə: EnSonHaber