Bugün.tv- nin məlumatına görə, xalq artisti Fidan Hacıyeva və Əməkdar Artist Ramil Qasımov “Kənd Namusu” tamaşasında ifa edib.
Ötən gün Azərbaycan Dövlət Akademik Opera və Balet teatrında İtalyan bəstəkarı Pyetro Maskanyinin “Kənd namusu” tamaşası nümayiş olunub. Əsas rollarda Ramil Qasımov, Fidan Hacıyeva, Taleh Yahyayev, Səbinə Vahabzadə, Nina Makarova iştirak ediblər.
Tamaşanın rejissoru əməkdar incəsənət xadimi Hafiz Quliyev, dirijoru Xalq Artisti Yalçın Adıgözəlov, Xormeysteri Əməkdar incəsənət xadimi Sevil Hacıyeva, Konsertmeysteri Rebekka Magomedovadır. Tamaşa tamaşaçılar tərəfindən böyük rəğbətlə qarşılanıb.
Qeyd edək ki, tamaşanın afişasında əsas rol ifaçısı kimi Azər Rzazadə qeyd edilib. Akademik Opera və Balet teatrının mətbuat katibi Şükufə Ağamirzəyevanın sözlərinə görə, tamaşaya bir gün qalmış ifaçının səsində problem yaranıb. Qısa zaman ərzində baş rolu əməkdar artist Ramil Qasımov ifa edib.
