Hadisə

İsveçrənin Alp dağlarında beş xizəkçi ölü tapıldı

Bugun.tv xəbər verir ki, qrup 3706 metr yüksəklikdəki Tete Blanche dağının yaxınlığında itib. Sonra böyük axtarış-xilasetmə əməliyyatına başlanılıb. Qrup İsveçrə-İtaliya sərhədindəki Arolla istiqamətində xizək turu üçün yola düşmüşdü. İsveçrənin Valais kanton polisi açıqlama verib. Altı xizəkçidən beşinin yerli vaxtla saat 21:20-də “həyat əlaməti olmayan” tapıldığı bildirilib.

Rəsmilər daha əvvəl BBC-yə bildirmişdilər ki, xizəkçilərin hamısı İsveçrə vətəndaşıdır. Onların yaşları 21 ilə 58 arasında dəyişib. Yerli polis, marşrutun hər iki tərəfindəki qrupların xəbərdar edildiyini, lakin sərt hava şəraitinin əməliyyata mane olduğunu söyləyib. Alp dağlarında bir neçə gündür güclü küləklər, son 24 saat ərzində isə güclü qar yağıb.

Zermattla qonşu olan Saas-Fee qış kurortuna gedən yol hazırda qarla bağlanıb. Zermattın hava xilasetmə xidmətinin rəhbəri Anjan Truffer havanın pis olduğunu, “uçuşun bir seçim olmadığını”, “çox güclü külək, güclü qar, yüksək uçqun təhlükəsi və görmə məsafəsinin sıfır olduğunu” deyib.

Qrupun son siqnalı gecə saatlarında qeydə alınıb. Cənab Truffer bunun “qeyri-şifahi” olduğunu söyləyib. Lakin xilasedicilərə yerləri haqqında təxmini fikir əldə etməyə imkan verib.

Mənbə trthaber

Aynur Camal

Oxşar xəbərlər

Quba ağ örpəyə büründü                   

Bugün TV

890 qeyri-qanuni mühacir tutuldu

Kəmalə Sultan

İsrail əsgərləri İordan çayının qərb sahilində bir fələstinlini öldürüb

Bugün TV

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz. Qəbul edin Ətraflı Oxu