Misir Qəzza zolağı ətrafında mövcud gərginliyi azaltmaq üçün İsrail, ABŞ və Fələstin qrupları ilə intensiv məsləhətləşmələr aparır.
Bugun.tv xəbər verir ki,bu barədə Əl Ərəbiyyə televiziyası məlumat yayıb.
Bildirilir ki, Misir hökuməti mümkün qədər sakitliyi tez bərpa etmək məqsədi ilə İsrail tərəfi, ABŞ və ayrı-ayrı Fələstin qrupları ilə geniş məsləhətləşmələr aparır.
Bundan əvvəl Qahirə İsraildən Qəzza zolağında yaşayış məhəllələrinə və mülki şəxslərə zərbə endirməkdən çəkinməyi tələb edib. Misir təhlükəsizlik rəsmiləri İsrailin eksklava endirdiyi hava hücumundan qısa müddət sonra İsrail tərəfi ilə əlaqə saxlayıb. İsrail gərginlikdə Fələstin qruplarını günahlandırıb.
Əvvəllər Misir Fələstin-İsrail münaqişəsinin tərəfləri birbaşa hərbi qarşıdurma ilə məşğul olan Qəzza ətrafındakı böhranlı vəziyyətlərdə vasitəçi kimi çıxış edirdi. Misirin İsraillə diplomatik əlaqələri var və Misirlə ümumi sərhədi olan eksklavda fəal olan Fələstinli qruplarla əlaqə saxlayır.
Mənbə: TASS