Klinik nutrisioloq və biokimyaçı Violetta Oqanesyan kartofun insan orqanizmi üçün mühüm faydalarından danışıb.
Onun sözlərinə görə, kartof tərkibində kaliumun miqdarı çox yüksəkdir və hətta bəzi hallarda banan ilə müqayisədə daha çox ola bilər. Bu isə orqanizmi vacib elektrolitlərlə təmin edir.
Mütəxəssis qeyd edib ki, kalium sinir və əzələ funksiyalarının düzgün işləməsi üçün mühüm rol oynayır. Bir ədəd kartof gündəlik kalium tələbatının təxminən 25 faizini ödəyə bilər.
Bundan əlavə, kartofun tərkibində toxumaların bərpası və inkişafı üçün vacib maddələr mövcuddur. O, həmçinin antioksidant təsir göstərərək immun sistemini gücləndirir və ürək xəstəlikləri, eləcə də xroniki problemlərin riskini azalda bilər.
Violetta Oqanesyan əlavə edib ki, kartofda orta miqdarda B6 vitamini də var ki, bu da ürək və sinir sistemi sağlamlığı üçün əhəmiyyətlidir.
Mənbə: mail.ru