❗ Ailə, Qadın və Uşaq Problemləri üzrə Dövlət Komitəsi növbəti dəfə erkən evliliyin qarşısını alıb.
🔴 30 sentyabr 2022-ci il tarixdə Bərdə rayonunun kəndlərindən birində orta məktəbin 8-ci sinif şagirdinin erkən evliliyə cəlb olunması ilə bağlı daxil olan müraciətə dair müvafiq araşdırma aparılmışdır.
🔴 Qeyd edək ki, Dövlət Komitəsinin əməkdaşı tərəfindən yetkinlik yaşına çatmayan qızın ailəsi ilə əlaqə saxlanılmış, valideyn tərəfindən ailələr arasında ilkin razılaşma olduğu bildirilmişdir.
🔴 Yetkinlik yaşına çatmayan şəxsi evliliyə cəlb etdiklərinə görə valideynə xəbərdarlıq edilmiş, həmçinin valideynlik məsuliyyəti izah edilmişdir. Məsələ müvafiq qurumlarla birgə nəzarətdə saxlanılır.
🔴 Məlumat üçün bildirək ki, Cinayət Məcəlləsinin 176-1.2 Nikah yaşına çatmayan şəxsi, nikaha daxil olmağa məcbur etmə 3 min manatdan 4 min manatadək miqdarında cərimə və ya dörd ilədək müddətində azadlıqdan məhrum etmə ilə cəzalandırılır.
