Rusiya Müdafiə Nazirliyi son 24 saat ərzində Ukrayna cəbhəsində 1125 ukraynalı hərbçinin zərərsizləşdirildiyini bildirib.
Nazirliyin yaydığı məlumata görə, “xüsusi hərbi əməliyyat” çərçivəsində Rusiya hava hücumundan müdafiə sistemləri Ukraynaya məxsus 605 təyyarə tipli pilotsuz uçuş aparatını, 12 idarəolunan aviasiya bombasını və ABŞ istehsalı olan bir ədəd HIMARS raketini məhv edib.
Açıqlamada qeyd olunub ki, döyüş təyyarələri, pilotsuz aparat və raketlərlə həyata keçirilən zərbələr nəticəsində Ukraynada pilotsuz aparatların istehsal olunduğu bildirilən sexlər, yanacaq anbarları, həmçinin ukraynalı hərbçilərin və xarici muzdlu döyüşçülərin yerləşdiyi 156 obyekt hədəfə alınıb.
Rusiya tərəfi cəbhə xəttində taktiki mövqelərini yaxşılaşdırdıqlarını iddia edib. Bildirilib ki, son sutkada 13 zirehli texnika da məhv edilib.
Mənbə: İLKHA