Bugun.TV xəbər verir ki, İngiltərənin Şərqi Sasseks bölgəsində, Haywards Heath və Lyuis şəhərləri arasında hərəkət edən sərnişin qatarının relsdən çıxması nəticəsində 11 nəfər yaralanıb.
Hadisə zamanı yaralananlardan 2 nəfərin vəziyyətinin ağır olduğu bildirilir.
Qəzanın səbəbləri ilə bağlı araşdırma aparılır. Hadisədən sonra qəza yerinə təcili yardım və digər xilasetmə xidmətlərinin əməkdaşları cəlb olunub.
Səlahiyyətli qurumlar hadisənin bütün təfərrüatlarını araşdırır. Qəza ilə əlaqədar həmin istiqamətdə qatarların hərəkətində də fasilələr yaranıb.
Mənbə: The Guardian