Hər insanın özünəməxsus bədən qoxusu var və bu qoxu genlər, hormonlar, sağlamlıq və gigiyena ilə formalaşır. Amma son araşdırmalar göstərir ki, qidalanma da bu qoxuya təsir edə bilər. Charles University, Macquarie University və Binghamton University alimlərinin tədqiqatlarına görə, gündəlik rasionumuz bədən qoxusunu daha xoş və ya əksinə edə bilər.
Hansı qidalar qoxunu daha cəlbedici edir?
- Meyvə və tərəvəzlər – xüsusilə yaşıl tərəvəzlər və sitruslar bədən qoxusunu daha “təmiz” və yüngül edir
- Bitki mənşəli qidalar – antioksidantlarla zəngin olduqları üçün dərinin və qoxunun keyfiyyətini yaxşılaşdırır
- Su – kifayət qədər su içmək qoxunun daha neytral qalmasına kömək edir
Hansılar əks təsir göstərir?
- Sarımsaq və soğan – tərkibindəki kükürd birləşmələri dəridən qoxu kimi çıxır
- Qırmızı ət – bəzi araşdırmalara görə, çox ət yeyən insanların bədən qoxusu daha ağır olur
- Kofe və spirt – tər və nəfəs vasitəsilə daha kəskin qoxular yarada bilər
Nəticə
Alimlər bildirir ki, qidalanma bədən qoxusuna “incə, amma hiss olunan” təsir göstərir. Yəni parfumu dəyişməkdən əlavə, rasionunu dəyişmək də sənin necə qoxduğunu dəyişə bilər.
Mənbə: mail.ru