Samsung Electronics Galaxy S24 seriyası üçün gözlənilən One UI 8.5 yeniləməsini təqdim etməyə başlayıb. Bugun.tv xəbər verir ki, şirkət beta mərhələsini tamamlayaraq stabil versiyanı istifadəçilərə çatdırır.
Yeni One UI 8.5 yeniləməsi interfeys təkmilləşdirmələri ilə yanaşı, süni intellekt əsaslı yeni funksiyalar və kamera optimizasiyaları ilə diqqət çəkir. Galaxy S26 seriyasında təqdim olunan bəzi Galaxy AI imkanlarının da artıq köhnə flaqman modellərdə istifadəyə açıldığı bildirilir.
Yeniləmə həm sistem performansını, həm də çoxlu tapşırıq rejimini yaxşılaşdırır, batareya optimizasiyası və cihazlar arası sinxronlaşma sahəsində də yeniliklər gətirir. Eyni zamanda animasiyalar və standart tətbiqlər daha sürətli və axıcı işləyəcək şəkildə yenilənib.
İlk mərhələdə Cənubi Koreyada yayımlanan yeniləmənin yaxın günlərdə qlobal bazara da mərhələli şəkildə təqdim olunacağı gözlənilir. İstifadəçilər “parametrlər” bölməsindən yeniləməni yoxlaya bilərlər.
Şirkət One UI 8.5 yayımını iyul ortalarına qədər tamamlamağı, daha sonra isə Android 17 əsaslı One UI 9 dövrünə keçməyi planlaşdırır.
Mənbə: EnSonHaber