Bugun.tv xəbər verir ki, stress zamanı insanların qida davranışının fərqli olması hormonal və psixoloji amillərlə bağlıdır.
Piroqov Universitetinin Klinik Təbabət İnstitutunun mütəxəssisi, terapevt və klinik psixoloq Ulyana Maxova bildirib ki, stressin növü orqanizmin reaksiyasını müəyyən edir. Kəskin stress zamanı bədəndə simpatik-adrenal sistem aktivləşir və katexolaminlərin artması iştahanı azaldır. Xroniki stress isə kortizol səviyyəsini yüksəldərək xüsusilə yağlı və karbohidratlı qidalara meyli artırır.
Mütəxəssisin sözlərinə görə, fərdi xüsusiyyətlər də mühüm rol oynayır. Narahatlıq, depressiya və zəif stress davamlılığı olan insanlarda “stress yeməyi” daha çox müşahidə olunur.
Həmçinin uşaqlıqda formalaşan davranış modelləri də təsir göstərir: yeməyin mükafat və ya təsəlli vasitəsi kimi istifadə olunması böyüklükdə emosional aclığa səbəb ola bilər.
Həkim stress yeməyi ilə mübarizə üçün özünü müşahidə, gündəlik aparmaq, fiziki və emosional aclığı ayırd etmək və sağlam alternativ vərdişlər formalaşdırmağı tövsiyə edir. Zəruri hallarda isə psixoloq və mütəxəssis dəstəyi vacib sayılır.
Mənbə: mail.ru