Ukrayna Rusiya ilə davam edən müharibədə öz müstəqilliyi və ərazi bütövlüyü məsələlərində heç vaxt güzəştə getməyəcək.
Bugün.tv xəbər verir ki, bunu Yaponiyanın NHK ictimai televiziya kanalına müsahibəsində Ukrayna prezidentinin aparat rəhbəri Andrey Yermak deyib.
Yermak qeyd edib ki, növbəti bir neçə ay döyüş meydanında Ukrayna qoşunları üçün əsas olacaq.O, bildirib ki, bu müharibədə döyüşlər qışa qədər davam edərsə, Ukraynanın öz ərazilərini geri qaytarması daha çətin olacaq.
“Biz müzakirələrimizi vaxtı gələnə qədər bütün mümkün tədbirlərin görülməsinə yönəldəcəyik”-deyə A.Yermak bildirib.
Yermak həmçinin ABŞ və Qərb müttəfiqlərini Rusiyaya qarşı əlavə sanksiyalar tətbiq etməyə çağırıb.