Ali Rada Ukraynada hərbi vəziyyətin və ümumi səfərbərliyin müddətinin uzadılması ilə bağlı qərar qəbul edib. Bugün keçirilən səsvermədə deputatlar hər iki tədbirin daha 90 gün davam etməsinə razılıq veriblər.
Parlament üzvü Yaroslav Jeleznyak bildirib ki, 315 deputat 4 maydan 2 avqust tarixinədək hərbi vəziyyətin uzadılmasına səs verib. Eyni dövr üçün ümumi səfərbərliyin davam etdirilməsini isə 304 qanunverici dəstəkləyib.
Qeyd olunub ki, bu qərar 2022-ci ildə Rusiya-Ukrayna müharibəsi başlayandan bəri parlament tərəfindən təsdiqlənən 19-cu belə addımdır.
Məlumata görə, müvafiq qanun layihələri Ukrayna Prezidenti Volodimir Zelenski tərəfindən parlamentə təqdim olunub.
Mənbə: AnadoluAgentliyi