Bugun.tv xəbər verir ki, yoqa təlimçisi İlhamə Şirinovanın təşkilatçılığı ilə XII Sevgi və Sülh Festivalı keçirilib.
Tədbir Omar Atçılıq Klubunda baş tutub.
Festivalda müxtəlif yaş qruplarından olan insanlar iştirak edərək fərqli təlim və seminarlara qatılıblar.
Tədbirin əsas məqsədi insanların mənəvi inkişafına, daxili harmoniyasına və sağlam həyat tərzinə diqqət çəkmək olub. Festival çərçivəsində iştirakçılar yoqa, meditasiya və fərdi inkişaf mövzularında məlumat əldə ediblər.
Festivalın qonaqlarından biri olan fen-şuy və metafizika üzrə mütəxəssis Məryəm Teymur enerji, insanın daxili potensialı və müsbət düşüncənin həyatımıza təsiri barədə təlim keçib.
Səmimi və pozitiv atmosferdə keçən festival iştirakçılar tərəfindən maraqla qarşılanıb və böyük rəğbət qazanıb. Tədbir sevgi, sülh və qarşılıqlı anlaşma dəyərlərinin təbliği baxımından yadda qalan olub.
