Fizioterapevt Mariana Malatsotto qadınları düzgün seçilməmiş büstqalterin ciddi sağlamlıq problemlərinə səbəb ola biləcəyi ilə bağlı xəbərdar edib. Onun açıqlaması “Terra” nəşrində dərc olunub.
Mütəxəssis bildirib ki, bir çox qadın büstqalter seçərkən yalnız xarici görünüşə diqqət yetirir. Halbuki, düzgün dəstək verməyən və sinənin ağırlığını düzgün bölüşdürməyən modellər orqanizmdə müxtəlif narahatlıqlara yol aça bilər.
Mariana Malatsottonun sözlərinə görə, qabırğa nahiyəsində sıxılma hissi, boyun ağrıları, beldə narahatlıq və çiyinlərdə qayışların dərin iz buraxması ciddi xəbərdaredici əlamətlərdir. Bu hallar büstqalterin ölçüsünün və ya modelinin düzgün seçilmədiyini göstərir.
Həkim qeyd edib ki, uzun müddət yanlış büstqalterdən istifadə etmək duruş pozğunluğuna və onurğa problemlərinə də səbəb ola bilər.
Mənbə: Terra