Bugun.tv xəbər verir ki, Rusiya Xarici İşlər Nazirliyinin sözçüsü Mariya Zaxarova Rusiya Silahlı Qüvvələrinin Ukraynaya gecə ərzində həyata keçirdiyi kütləvi zərbələrin Kiyev rejiminin hərbi və strateji obyektlərinə yönəldiyini bildirib.
Zaxarova bu barədə Telegram kanalında paylaşım edərək Kiyev meri Vitali Kliçkonun “Kiyev üçün dəhşətli bir gecə idi. Bu, ən böyük hücum idi” sözlərinə istinad edib.
“Yalnız bir şeyi əlavə edə bilərəm: bu, dinc Kiyevə qarşı deyil, Kiyev rejiminin mülki şəxsləri öldürmək üçün istifadə etdiyi hərbi və strateji hədəflərə qarşı yönəlmişdi”, – deyə Rusiya XİN sözçüsü qeyd edib.
Məlumata görə, Kremlin sözçüsü Dmitri Peskov da Rusiya Silahlı Qüvvələrinin Baş Qərargah rəisi Valeri Gerasimovun Kiyev və digər yaşayış məntəqələrində yerləşən obyektlərə endirilən genişmiqyaslı cavab zərbələrinin nəticələri barədə Prezident Vladimir Putinə məlumat verdiyini açıqlayıb.
Peskov bildirib ki, həyata keçirilən zərbələr yalnız hərbi və ya hərbi təyinatlı obyektləri hədəf alıb.
Mənbə: TASS