Bugun.tv xəbər verir ki, mütəxəssislər gündəlik qidalanmanın insanın əhvalına və emosional sabitliyinə birbaşa təsir etdiyini bildirirlər.
Araşdırmalara görə, gün ərzində qəbul edilən qidalar beyində serotonin və dopamin kimi vacib maddələrin ifrazına təsir göstərir.
Məhz bu maddələr sakitlik, motivasiya və daxili tarazlıq hissinin formalaşmasında mühüm rol oynayır.
Mütəxəssislər qeyd edirlər ki, maqnezium, omeqa-3 və B qrupu vitaminlərinin çatışmazlığı yorğunluq, əsəbilik və stress hissini gücləndirə bilər.
Əhvalı yaxşılaşdıran qidalar sırasında ilk növbədə tünd şokolad göstərilir.
Onun tərkibindəki maqnezium stress hormonunun səviyyəsini azaltmağa kömək edir.
Banan isə serotonin sintezində iştirak edən triptofan və B6 vitamini ilə zəngindir.
Həmçinin Salmon balığı, qoz-fındıq, yumurta və yulaf sıyığı da sinir sisteminin normal fəaliyyətini dəstəkləyən əsas qidalar hesab olunur.
Giləmeyvələr antioksidantlarla zəngin olduğu üçün beyin hüceyrələrini qoruyur, kefir və təbii yoqurt isə bağırsaq mikroflorasını dəstəkləyərək emosional vəziyyətə müsbət təsir göstərir.
Mütəxəssislər əlavə edirlər ki, ispanaq, brokoli kimi yaşıl tərəvəzlər və az miqdarda bal da gün ərzində enerji səviyyəsinin sabit qalmasına kömək edə bilər.
Onların fikrincə, insan tez-tez səbəbsiz yorğunluq, əsəbilik və ya ruh düşkünlüyü hiss edirsə, ilk növbədə qidalanma rejiminə diqqət yetirməlidir.
Mənbə: mail.ru