Mütəxəssislər sümüklərin möhkəmlənməsi üçün təkcə süd məhsullarının deyil, bir sıra digər qidaların da böyük əhəmiyyət daşıdığını bildiriblər.
Bugun.tv xəbər verir ki, Health portalında dərc olunan araşdırmaya görə, sümük toxumasının sağlamlığı yalnız kalsiumdan deyil, həmçinin maqnezium, fosfor və K vitamini kimi minerallardan da asılıdır.
Mütəxəssislər bildirirlər ki, yarpaqlı tərəvəzlər — xüsusilə Çin kələmi və qıvrım kələm — asan mənimsənilən kalsium mənbəyidir. Bu tərəvəzlərdə oksalat səviyyəsinin aşağı olması kalsiumun orqanizm tərəfindən daha yaxşı sorulmasına kömək edir.
Sardina və qızılbalıq kimi balıq konservləri də sümüklər üçün faydalı hesab olunur. Bu məhsullar kalsium, D vitamini, zülal və omeqa-3 ilə zəngindir.
Araşdırmada tofu, çia toxumu, küncüt, badam və gənc soya lobyasının da sümük sağlamlığını dəstəkləyən əsas qidalar sırasında yer aldığı qeyd olunub.
Mütəxəssislər vurğulayırlar ki, düzgün qidalanma ilə yanaşı fiziki aktivlik də sümük toxumasının möhkəmlənməsində mühüm rol oynayır.
Mənbə: mail.ru