Bugun.tv xəbər verir ki, NASA-nın Marsda fəaliyyət göstərən “Curiosity” kosmik aparatı Qırmızı planetin səthində 5 000-ci gününü tamamlayıb.
Ensonhaber-in SciTechDaily-yə istinadən yaydığı məlumata görə, aparat bu əlamətdar tarixlə bağlı Marsın müxtəlif vaxtlarda çəkilmiş görüntülərindən hazırlanmış yeni panorama təqdim edib.
“Curiosity” Marsın səthini araşdırmaq, planetin geoloji quruluşunu öyrənmək və onun keçmişində həyat üçün əlverişli şəraitin olub-olmadığına dair məlumat toplamaq məqsədilə fəaliyyət göstərir.
Aparatın göndərdiyi yeni görüntülər Mars səthinin səhər və günorta vaxtı görünüşlərini əks etdirir. NASA-nın uzunmüddətli Mars missiyalarından biri olan “Curiosity” bu müddət ərzində planet haqqında çoxsaylı elmi məlumatlar əldə edib.
Mənbə: Ensonhaber