Psixologiya və davranış elmi sahəsində aparılan son araşdırmalar göstərir ki, insanların düşündüyünün əksinə olaraq, yalan danışan şəxsi yalnız bədən dilinə əsasən müəyyən etmək mümkün deyil.
Mütəxəssislər bildirirlər ki, göz təmasının azalması, boyuna toxunmaq, əlləri gizlətmək və ya baxış istiqamətinin dəyişməsi bəzən həyəcan və stress əlaməti ola bilər, lakin bunlar yalanın etibarlı göstəricisi hesab edilmir. Eyni davranışlar tamamilə doğru danışan insanlarda da müşahidə oluna bilər.
Psixoloqların fikrincə, insanın doğru danışıb-danışmadığını qiymətləndirərkən tək bir jestə deyil, danışığın məzmununa, hadisələrin ardıcıllığına və ümumi davranış kontekstinə diqqət yetirmək daha etibarlıdır.
Tədqiqat müəllifləri vurğulayırlar ki, filmlərdə və sosial şəbəkələrdə yayılan “yalanın bədən dili” barədə bir çox iddiaların elmi sübutu yoxdur. Bu səbəbdən insanların yalnız jest və mimikalara əsaslanaraq mühakimə olunması yanlış nəticələrə səbəb ola bilər.
Mənbə: ScienceFocu