İran Silahlı Qüvvələrinin nümayəndələrindən ibarət nümayəndə heyəti Azərbaycanın Ağdam rayonuna səfər edib. Bu barədə Azərbaycan Müdafiə Nazirliyindən məlumat verilib.
İranın Azərbaycandakı səfirliyinin əməkdaşlarının da iştirak etdiyi səfər zamanı nümayəndə heyəti Ermənistan Silahlı Qüvvələrinin Azərbaycan torpaqlarının işğalı zamanı törətdiyi vandalizm aktlarının nəticələri ilə tanış olub.
Bundan əlavə, nümayəndə heyətinə Azərbaycanın dağıdılmış yaşayış məntəqələri və tarixi abidələri, habelə Azərbaycan dövləti tərəfindən işğaldan azad edilmiş ərazilərdə aparılan bərpa işləri barədə ətraflı məlumat verilib.
İran hərbi nümayəndə heyətinin işğaldan azad edilmiş Azərbaycan ərazilərinə səfəri davam edir.
