24 C
Baku
Sentyabr 26, 2022
Baş xəbərDigər

Vüqar Qurbanov TƏBİB-in İcraçı direktoru təyin edildi

Bugün.tv xəbər verir ki, sentyabrın 8-də “Tibbi Ərazi Bölmələrini İdarəetmə Birliyi” publik hüquqi şəxsin (TƏBİB) Müşahidə Şurasının iclası keçirilib.

İclasda “Azərbaycan Respublikasında icbari tibbi sığortanın tətbiqinin təmin edilməsi ilə bağlı bir sıra tədbirlər haqqında” Azərbaycan Respublikası Prezidentinin 2018-ci il 20 dekabr tarixli 418 nömrəli Fərmanının 3.3-cü bəndi rəhbər tutularaq, TƏBİB-in icraçı direktorunun vəzifəyə təyin olunması məsələsinə baxılıb.

2021-ci ilin 13 sentyabr tarixindən etibarən TƏBİB-in İdarə Heyətinin sədri vəzifəsini icra edən Vüqar Cavanşir oğlu Qurbanov Müşahidə Şurasının qərarı ilə TƏBİB-in icraçı direktoru təyin edilib.

Vüqar Qurbanov Azərbaycan Tibb Universitetinin məzunudur. O, uzun illər həkim-nevropatoloq kimi fəaliyyət göstərib, həmçinin İcbari Tibbi Sığorta üzrə Dövlət Agentliyinin Tibbi iddialar departamentinin rəhbəri vəzifəsində çalışıb.

Oxşar xəbərlər

Vətən Müharibəsi Qəhrəmanlarına və ailə üzvlərinə verilmiş mənzillər özəlləşdiriləcək – FƏRMAN

Bugün TV

Gələcəyin son kompüter ekranı kontakt linzalar olacaq?

Aynur Camal

Allah rəhmət etsin

Aynur Camal