Bugun.tv xəbər verir ki, dietoloq Ana Luson axşam yeməyindən dərhal sonra hərəkətsiz qalmağın həzm sistemi üçün ciddi problemlər yarada biləcəyi barədə xəbərdarlıq edib.
Mütəxəssis bildirib ki, yeməkdən sonra divanda uzanmaq, televizora baxmaq və ya birbaşa yatağa keçmək mədə-bağırsaq sisteminin fəaliyyətini zəiflədə bilər. Onun sözlərinə görə, fiziki hərəkətsizlik həzmi ləngidir və qidaların fermentasiyasına səbəb olur.
Dietoloq qeyd edib ki, bu vəziyyət qaz yığılması, şişkinlik, mədə yanması və qastroezofageal reflüks kimi problemlərin yaranmasına gətirib çıxara bilər.
Ana Luson axşam yeməyindən sonra ən azı 10–15 dəqiqə yüngül gəzməyi tövsiyə edib. O bildirib ki, qısa gəzinti bağırsaqların fəaliyyətini stimullaşdırır və həzm prosesini yaxşılaşdırır.
Mütəxəssis sağlam həzm üçün axşam yeməyindən sonra tam hərəkətsiz qalmağın düzgün olmadığını vurğulayıb.
Mənbə: mail.ru